Des isch Weihnachda!

Des isch Weihnachda!

Durch d`Stadt hetza
und in letschder Minut
G`schenkla kaufa für Leut,
dia sowieso scho alles hend:
Des isch net Weihnachda!

"Oh du fröhliche" aus em Lautsprecher,
Girlanda en dr Fußgängerzone,
Nikläus an alle Ecka,
lebendige ond solche aus Schoklad:
Des isch net Weihnachda!

Werbeg`schenkla verdoila,
auf`s Weihnachtsgeld warda,
noch Teneriffa fliaga
ond "Oh Tannenbaum" unter Palma senga:
Des isch net Weihnachda!

Aber wenn`s em ganza Haus schmeckt,
noch Zimt ond Bredla ond ausblosene Kerza,
ond wenn d`Kender Weihnachtsliader spielet,
au wenn`s a bissle falsch klengt:
Des isch Weihnachda!

Wenn en dr Kirch "Stille Nacht" g`sunga wird,
daß dr ganz feierlich z`muat wird,
ond wenn de erschde Schneeflocka fallet,
grad wenn de aus dr Kirch kommsch:
Des isch Weihnachda!

Wenn du woisch,
daß dir`s guat goht ond deiner Familie au,
ond wenn da noch de andre net vergisch,
dias net so guat hend wia du:
Des isch Weihnachda!

In diesem Sinne wünsch ich allen hier in der fc,
besonders aber meinen Buddies,
Weihnachten mit Kerzenlicht und Plätzchenduft
und ein paar gemütliche und ruhige Tage mit Euren Lieben.