Der kleine Frosch und die Prinzessin

Der kleine Frosch und die Prinzessin

"Prinzessin schaug`mi o,
schau wia i hupfa konn und am Zaun rauf und runta-kraxln und dua ma gor ned weh dabei.
Schau wos i füa a lustige geibe Mützn auf hob, dami mi mei Mamma und mei Babba imma wieda findn, wenn i mi do aufn Zehrplotz valaaf.
Schau wia lustig i mei Nosn kraus ziagn konn, daß mei Mamma und mei Babba imma lacha miaßn und mei Opa sogt: Du weast amoi a gschaida Bua".
Wenn du mi olachst wea i bestimmt amoi a scheena Prinz und wann du mia a Busserl gibst, dann laß i mia den ganzen Dog mei Gsicht nimma obbutzn.

Was, du mogst need? Weil du so miad bist vom rumlaffa den ganzen Dog, weil dia de Fiaß weh dean, weil du Hunga host und weil du jedz dann no aufn Fesdplodz muaßd und umanandaspringa und lusdig sei;
und weisd as scho dick hosd das d´ im Lager do hinterm Zaun sidzd und draussn vorm Zaum stehnas rum und gaffan di o wia an Affn im Zoo.

Des vasdeh i scho, aba drodzdem kannsd amoi herschaugn,
Zu mia